Sääʹm äimmõs-suåvtõs jääʹrjast logoǩeâlb
Sääʹm äimmõs-suåvtõs ääʹvad logoǩeâlb. Logost feʹrttai identifiâʹstted säʹmmlaid vueʹssen äimmõs-suåvtõõzz. Logost feʹrttai sueiʹmkrâʹstted sääʹm äimmõs-suåvtõõzz tuâjaid, sääʹm ärbbvuõđlaž teâđ da äimmõsmuttâz. Logost feʹrttai tåimmad nuʹtt eeuʹnivuiʹm ǥo čappâdviõlggeen, liâđǥlaž saakkummšest da painnum häämast. Eʹtǩǩõõzz âlgg tååimted liâđǥlânji JPG- leʹbe PDF-teâttõssân. Vuõltteeʹl eʹtǩǩõõzz čõnnõõđak tõõzz, što jõs vuõitak, ooudak eʹtǩǩõõzzad raajjivuõiggâdvuõđid sääʹm äimmõs-suåvtõʹsse.
Logoǩeâlbb lij pukid äävai. Ǩeâlb vuâkkõõzz da tääʹrǩab vuäʹppõõzz lie vuâlbeäʹlnn mieʹldd. Päʹlǩǩõs Sääʹm äimmõs-suåvtõõzz âânnmõʹšše vaʹlljuum logost lij 3000 euʹrred.
Logo vaʹlljummuž tueʹjjeet anonyymân. Iʹlmmet neʹttpååʹštest tuu nõmm-miârk da jeeʹres meâlddõõzzâst tueʹjjeei/tueʹjjeeʹji nõõm/nõõmid da õhttvuõtt-teâđaid (nõmm, addrõs, teʹlfon-nââmar da neʹttpååʹštaddrõs). Logo vaʹlljeei jie vuäǯǯ tieʹtted vuässõõđi nõõmid ouddâl vaʹlljummuž. Sääʹm äimmõs-suåvtõs vaʹlljad Logo.
Logoǩeâlbb lij äävai 30.4.2024 räjja. Eʹtǩǩõõzzid vuõltteet addrõʹsse: saamelainenilmastoneuvosto@oulu.fi
Sääʹm äimmõs-suåvtõõzz piisarkåʹdd (Oulu universiteeʹtt seeidain, lääddas)
Lââʹssteâđ: Sääʹm äimmõs-suåvtõõzz piisarkåʹdd, saamelainenilmastoneuvosto@oulu.fi
Sääʹm äimmõs-suåvtõõzz logoǩeâlb vuâkkõõzz (PDF)
Tät teâđtõs jeeʹres ǩiõlin: